सम्राट सिंह, १० असार बझाङ–   जिल्लाको बित्थड चिर गाउँपालिकाको सुनकुडामा एमाले र कांग्रेसका कार्यकर्ताबीच झडप हुँदा २० जना घाइते भएका छन् । शुक्रबार एमालेका कार्यकर्ता बागथलाबाट र्‍याली फिर्ता भएर देउलेकमा कोण सभाका लागि जाने क्रममा सुनकुडामा नेपाली कांग्रेसको र्‍याली भेटिएपछि झडप भएको हो । शुक्रबार साँझ एमाले र कांग्रेसका कार्यकर्ता बिच झडप हुँदा बझाङको सुनकुडा बजार हालसम्म पनि तनावग्रस्त छ ।

झडपको क्रममा कांग्रेसका कार्यकर्ताले एमालेका कार्यकर्ताले प्रयोग गरेको म १ प ८००६ नम्बरको मोटरसाइकल जलाएको अनेरास्ववियुका जिल्ला अध्यक्ष हरिस खड्काले बताए । एमाले र कांग्रेस दुवै पक्षले झडपका लागि एकअर्कामाथि दोष लगाउँदै आएका छन् ।