२५ असार, काठमाडौं–नेपाली बजारमा नयाँ लुब्रिकेन्ट्स भित्रिएको छ । फुजिमा आयल कम्पनीले नयाँ उत्पादन ‘रोयल लुब्रिकेन्टस्’ शुक्रबारदेखि बजारमा ल्याएको हो ।

 

बिराटनगरस्थित होटल रत्नामा आयोजित कार्यक्रममा फुजिमा आयल कम्पनीका प्रबन्ध निर्देशक सुवोध कोइरालाले नयाँ उत्पादन सार्वजनिक गरेका हुन् । यो लुब्रिकेन्ट्सको ब्राण्ड एम्बेसडर नेपाली सिनेमाका महानायक राजेश हमाल छन् ।

 

नेपाली श्रम र लगानीमा गुणस्तरयुक्त लुब्रिकेन्टस् बजारमा ल्याउने उद्देश्यले नविन उत्पादन ल्याएको कोइरालाले बताए । ‘स्वदेशी उत्पादन प्रयोग गर्दै आत्मनिर्भर हुने हाम्रो उद्देश्यलाई यो नयाँ उत्पादनले समेट्छ’ उनले भने, ‘नेपालीपन, स्वदेशी उत्पादन, नेपाली श्रम र लगानीमा यो लुब्रिकेन्ट्स बजारमा आएको हो ।’

 

फुजिमा आयलले यसअघि ‘कन्ट्रोल’ र दुबईस्थित युनिभर्सल लुब्रिकेन्टस्को सहयोगमा ‘म्याजिक प्लस लुब्रिकेन्टस्’ लाई पनि नेपालमा स्थापित गराइसकेको छ ।

२५ वर्षदेखि यही क्षेत्रमा क्रियाशिल र ख्यातिप्राप्त फुजिमाको तेस्रो खुड्किलोका रुपमा पछिल्लो उत्पादन ‘रोयल लुब्रिकेन्टस्’ लाई बजारमा ल्याइएको प्रवन्ध निर्देशक कोइरालाले जानकारी दिए ।