Global IME Bank Limited
Everest Bank
Nmb bank

वडा कार्यालय हराएपछि गाउँलेलाई तनाव

sanimareliance life
nic asia bank 2
मिडिया स्पेस सोलुसन्स प्रालि
Global IME Bank Limited
Machhapuchchhre Bank

मकवानपुर : बकैया गाउँपालिका–७ का स्थानीय नारायण बहादुर गुरुङ शनिबार बिहान वडा कार्यालयको बाटो भएर गाउँतिर जाँदै गर्दा कार्यालयको बोर्ड नै देखेनन् ।

कतै झरेको होला भन्ठानेर गुरुङले खासै चासो देखाएनन् । सोही बाटो फर्किँदा पो थाहा भयो, बोर्डसँगै कार्यालयका सबै सामान हराइसकेका थिए । बिहानभरी गाउँले दंग परे । कसैले चोरी भएको पनि आशंका गरे । धेरैबेरको खैलाबैलापछि थाहा भयो, गाउँलेलाई थाहै नदिएर वडा कार्यालय सुटुक्क सारिएको रहेछ !

सामुदायीक वनको भवनमा रहेको वडा कार्यालय शुक्रबार साँझै करिब तीन किमि दुरीमा रहेको हात्तिखोलमा सारेको थाहा पाएपछि स्थानीय शनिबार दिनभर आक्रोशित भए । देशकै ठूलो वडा कार्यालयमा पर्ने पूर्वी मकवानपुरको बकैया–७ का स्थानीयले यसरी वडा कार्यालय सारेको आफैँलाई पत्तो नभएकोमा गुनासो गरेका छन् ।

आइतबार उनीहरुले दिनभर वडा कार्यालय सारिएको स्थानमा आएर आन्दोलन गरे । साथै पुरानै स्थानमा लैजानुपर्ने भन्दै उनीहरुले कार्यालयमै तालाबन्दी गरिदिएका छन् ।

भाइकै घरमा वडा कार्यालय !
७ नम्बर वडा अध्यक्ष रामकाजी लामिछानेले हात्तिखोलास्थित आफ्नै भाइको घरमा वडा कार्यालय सारेका हुन् ।

‘वडा अध्यक्षको भाइको घरमा वडा कार्यालयको बोर्ड झुण्ड्याइएको देखियो तर सामान राखेको कार्यालयमा ताला लगाइएको रहेछ’, नारायण गुरुङले भने, ‘कार्यालय फिर्ता ल्याउन आइतबार दबाव दिएका छौँ ।’

गाउँलेले चुनावमा जिताए तर अहिले गाउँलेकै कुरा नसुनेर एकलौटी निर्णय गरेको भन्दै यस्तो कदमपछि वडाध्यक्षको ब्यापक विरोध भएको छ । ‘अध्यक्षको खल्तीको सामान जस्तो जहाँ पायो त्यहीँ कार्यालय सार्ने भए जनताले जिताएर पठाएको के अर्थ ?’ गुरुङले भने, ‘वडा कार्यालय सबैको पायक पर्ने स्थानमा नभए हामी सञ्चालन हुन दिँदैनौँ ।’

स्थानीय सरोज ढुङ्गेल आक्रोश पोख्छन्, ‘वडा कार्यालय आईपुग्न चार घण्टासम्म हिँड्नुपर्छ, सबैलाई पायक पर्ने स्थानमा रहेको कार्यालय अध्यक्षले आफ्नो भाइको घरमा सारेर जनतालाई दुख दिने काम गरेका छन् ।’

वडा कार्यालय खोज्दै हात्तिखोला पुगेका गाउँलेले सल्लाहविपरित कार्यालय सारिएको भन्दै आइतबार दिनभर कार्यालय घेराउ गर्दै सञ्चालन गर्न दिएनन् । करिब दुईसयको संख्यामा वडा कार्यालय पुगेका उनीहरुले वडा कार्यालय पुरानै स्थानमा फर्काउन माग गर्दै तालाबन्दी गरेका छन् ।

प्रहरीको समन्वयमा वडा कार्यालयका कर्मचारी आफैँले तालाबन्दी गर्ने विवाद समाधान भएपछि मात्र ताला खोल्ने सहमतिपछि असन्तुष्ट स्थानीय फर्किएका छन् । वडाध्यक्ष लामिछानेले भने एकान्तमा सेवा सुविधा नभएको स्थानमा वडा कार्यालय राख्दा सेवाग्राहीको धेरै गुनासो आएपछि कार्यालय सारिएको बताएका छन् ।

‘जंगल नजिक कुनै पसल पनि छैन, कर्मचारीलाई बस्न पनि समस्या भयो’, अध्यक्ष लामिछानेले भने । बकैया गाउँपालिकाका अध्यक्ष दामोदर खनालले भने सबै वडाबासीलाई पायक पर्ने स्थानमा स्थायी कार्यालय राख्न समन्वय गरिने बताए ।

त्यसो त, केही वडा सदस्यले समेत आफूहरुलाई जानकारी नदिएरै कार्यालय सारिएको बताएका छन् । वडा सदस्य सोमबहादुर माझीले भने, ‘हामीलाई पनि थाहै नदिएर अध्यक्षले आफ्नो भाइको घरमा कार्यालय लैजानुभएछ !’

अर्का वडा सदस्य शान्ती बिकले पनि आफूलाई झुक्याएर कार्यालय सारिएको भन्दै गुनासो गरिन् । बिकले वडाध्यक्षको यो कदम मान्य नहुने बताएकी छन् । असन्तुष्ट स्थानीय भने साविककै सामुदायीक वनको भवनमा अस्थायी कार्यालय धेरैलाई पायक पर्ने बताउँदै आएका छन्।

गैरहाजिर भएका १८ प्रहरीलाई ७ दिनभित्र हाजिर हुन निर्देशन

गैरहाजिर भएका १८ प्रहरीलाई ७ दिनभित्र हाजिर...

वि.सं.२०८० फागुन १० बिहीवार ०९:१४

काठमाडौं । बिदा स्वीकृत नगराई कार्यालयमा हाजिर नभएका १८ जना...

कांग्रेस महासमिति बैठक : प्रदेश सभापतिहरूले बोलेपछि आजै समापन

कांग्रेस महासमिति बैठक : प्रदेश सभापतिहरूले बोलेपछि...

वि.सं.२०८० फागुन १० बिहीवार ०९:००

काठमाडौं । मुलुकको सबैभन्दा ठूलो दल नेपाली कांग्रेसको महासमिति बैठक...

केन्द्रमा बढीमा १२ वटा मन्त्राल राखेर अन्य अधिकार प्रदेशलाई दिनुपर्छ : पोखरेल (बागमती प्रदेश)

केन्द्रमा बढीमा १२ वटा मन्त्राल राखेर अन्य...

वि.सं.२०८० फागुन ९ बुधवार ०८:५९

काठमाडौं । बागमती प्रदेशका सांसद, नेकपा एमालेका नेता तथा पूर्वमन्त्री...

कांग्रेसको खर्च : महाधिवेशन गर्न १२ करोड, आमनिर्वाचनमा १ करोड १५ लाख

कांग्रेसको खर्च : महाधिवेशन गर्न १२ करोड,...

वि.सं.२०८० फागुन ९ बुधवार ०८:५५

काठमाडौं । नेपाली कांग्रेसले आफ्नो १४ औँ महाधिवेशनमा १२ करोडभन्दा...

कांग्रेस महासमिति बैठक : आजदेखि समूहगत छलफल

कांग्रेस महासमिति बैठक : आजदेखि समूहगत छलफल

वि.सं.२०८० फागुन ९ बुधवार ०८:४५

  गोदावरी । मुलुकको सबैभन्दा ठूलो दल नेपाली कांग्रेसको महासमिति...

ग्रीन डेभलपमेण्ट बैंकले गर्यो वित्तीय साक्षरता सम्बन्धी कार्यक्रम

ग्रीन डेभलपमेण्ट बैंकले गर्यो वित्तीय साक्षरता सम्बन्धी...

वि.सं.२०८० फागुन ९ बुधवार ०५:०६

काठमाडौं । ग्रीन डेभलपमेण्ट बैंक र पोखरा महानगरपालिका, व्यवसाय प्रवद्धनन...