दाङ  : दाङको तुलसीपुरबाट बाँकेको नेपालगञ्जका लागि छुटेको यात्रुबाहक माइक्रो बस(हायस) दुर्घटना हुँदा ६ जनाको मृत्यु भएको छ।

शनिबार बिहान तुलसीपुरबाट नेपालगञ्जका लागि छुटेको बा ५४ ख १६६२ नम्बरको हायस बाँकेको राप्तीसोनारी गाउँपालिका–९ अगैया जंगलमा दुर्घटना भएको हो।

हायस र ट्रक एक आपसमा ठोक्किदा दुर्घटना भएको प्रहरीले जनाएको छ। ४ जनाको घटनास्थलमै र दुई जनाको उपचारका लागि लैजाँदै गर्दा मुत्यु भएको प्रहरीको भनाइ छ।

 

दुर्घटनामा मृत्यु हुनेमध्य तीन जनाको सनाखत भएको छ । सनाखत भएकामा गाडी चालक तुलसीपुर उपमहानगरपालिकाका बलिराम चौधरी,  यात्रु तुलसी रावत र बसन्ती चौधरी रहेको प्रहरीले जनाएको छ।

 

दुर्घटनामा घाइते भएका १८ जनाको कोहलपुर मेडिकल कलेजमा उपचार भइरहेको छ ।

 

हायसले अगैयाको जंगलमा बसलाई उछिन्न खोज्दा  लु १ ख ७७२९  नम्बरको ट्रकसँग ठोक्किँदा दुर्घटना भएको जिल्ला प्रहरी कार्यालय बाँकेले जानकारी दिएको छ। घटनाको बारेमा थप विवरण आउन बाँकी छ।