निरंजन साह, जनकपुरधाम । प्रदेश नम्बर दुईको राजा जनकको नगरी जनकपुरधाममा हुँदै आएको ‘रामजानकी विवाह महोत्सव’का लागि यसपालि विशेष सुरक्षा व्यस्था मिलाइएको छ ।

आउँदो आगामी बुधबार हुन लागेको रामजानकी विवाह महोत्सवमा भीड व्यवस्थापनलाई प्रमुख चुनौती मान्दै तीन तहको सुरक्षा प्रबन्ध गरिएका छन ।

नेपाल प्रहरी, सशस्त्र प्रहरी र नेपाली सेना गरी तीनै तहका सुरक्षाकर्मीलाई सुरक्षा व्यवस्थापनका लागि परिचान गरिनेछ । नेपाल प्रहरी र सशस्त्र प्रहरीबाट ३ हजार सुरक्षाकर्मी परिचालन स्रोतले जनाएको हो । त्यसका लागि बाहिरबाट पनि थप सुरक्षाकर्मी ल्याएको छ भने यसपाली नेपाल प्रहरीले ड्रोन क्यामराबाट समेत भीडको निगरानी गर्नेछन् ।

यसपालि विवाहपँचमीमा भारत, उत्तर प्रदेशका मुख्यमन्त्री योगी आदित्यनाथ जन्ती बनेर आउने भएपछि सुरक्षा व्यवस्था कडा बनाइने भएको हो । भने रामजानकी विवाह महोत्सवमा यसपाली नेपाल र भारतका चर्चित कलाकारहरुसमेत सहभागी हुने छ ।

विगतका वर्षको तुलनामा यसवर्ष बढी दर्शनार्थी सहभागी हुने अनुमान गरिएको हो । भीड व्यवस्थापनका लागि भीडमा सादा पोसाकका सुरक्षाकर्मी पनि परिचालन गर्ने निर्णय जिल्ला सुरक्षा समितिले गरिइएका छन ।