काठमाडौं – कोरोना बिमा स्थगित गर्ने बिमा समितिको निर्देशन २४ घन्टा पनि नबित्दै फेरि परिवर्तन भएको छ ।

अब फेरि कोरोना बिमा कार्यक्रमलाई निरन्तरता दिन बिमा समितिले शुक्रबार निर्जीवन बिमा कम्पनीहरुलाई निर्देशन दिएको छ ।

यसअघि बिहीबार मात्रै समितिले कोरोना बिमा स्थगित गर्न निर्देशन दिएको थियो ।
यस्तो बिमा २०७७ चैत मसान्तसम्म कायम रहनेछ । २०७७ वैशाख ७ गतेबाट कोरोना बिमा कार्यक्रम लागू भएको थियो ।

बिहीबार बिमा समितिले बिमा कम्पनीहरुको दायित्वभन्दा बढी बिमा गर्नुपर्ने अवस्था आएको भन्दै रोक्न निर्देशन दिएको थियो ।