मुख्य खबर

जोन्टा क्लब अफ काठमाडौंद्वारा घरेलु हिंसा विरुद्ध सहयोग गर्न नेपाल प्रहरीसंग सहकार्य

  • आर्थिक प्लस संवाददाता

    २०७७ श्रावण ८ गते, बिहीबार २२:०२ मा प्रकाशित

काठमाडौं –  महिला अधिकार र सशक्तिकरणका लागि काम गर्दै आइरहेको जोन्टा क्लब अफ काठमाडौंले घरेलु हिंसा विरुद्धको लडाईमा सहयोग गर्न नेपाल प्रहरीसंग साझेदारी गरेको छ ।

यस पहल अन्तर्गत जोन्टा क्लब अफ काठमाडौंले १४ जना प्रतिष्ठित कानुनी अधिबक्ता र नेपाल प्रहरीसंग समन्वय गरि घरेलु हिंसाका पिडितलाई निशुल्क कानुनी परामर्श वा कानुनी उपचार प्रदान गर्ने भएको छ ।

यस पहलका लागी डि।आई जि। विश्वराज पोखरेलको निर्देशनमा एस।एस पि किरण बज्राचार्यले पुर्ण सहयोग गर्ने र अधिवक्ता रत्न कार्कीले जोन्टा वकालत समितिको अध्यक्षता गर्ने निर्णय भई आजकै मितिबाट यस कार्यलाई अगाडी बढाउने सहकार्य भएको छ।

नेपाल सरकारले गत चैत ११ गतेदेखि देशभर लकडाउन लागु गरेसंगै महिलाहरु माथि घरेलु हिंसा र दुव्र्यवहार बढेको कारणर उनीहरु आफ्नै घरभित्र असुरक्षित रहेका छन् । नेपाल प्रहरी र अधिवक्ताहरुको सहयोगमा पिडितहरुलाई सहयोग गर्न र घरेलु हिंसा विरुद्ध लड्न सक्षम हुने जोन्टा क्लब अफ काठमाडौंकी अध्यक्ष जोन्शियन सीमा गोल्छाले बताउनु भयो ।

http://noc.org.np/