२० हजार कित्तासम्म भर्न मिल्ने गरि भोलीदेखि सामलिङ पावरको आइपीओ खुल्ने,यी बैंक बाट यसरी भर्नुहोस् सामलिङ पावर कम्पनले भोलि (भदौ १८ गते)देखि आयोजना प्रभावित इलामका स्थानीयका लागि प्राथमिक साधरण सयेर (आइपीओ) निष्काशन गर्ने भएको छ ।

यसअघि कारोनाका कारण स्थगित भएको आइपीओ कम्पनीले शुक्रबारदेखि विक्री खुला गर्ने भएको हो । कम्पनीले प्रतिकित्ता १०० रुपैयाँ दरले ५ करोड रुपैयाँ बराबरको ५ लाख कित्ता आइपीओ विक्री गर्ने भएको हो ।

निष्काशन हुने कुल ५ लाख कित्ता सेयरमध्ये ३ लाख कित्ता आयोजना प्रभावित क्षेत्र इलाम जिल्लाभरीका बासिन्दाका लागि र बाँकी २ लाख कित्ता अति प्रभावित क्षेत्र इलामनगरपालिका वडा नं. ८ र १० तथा माईजोगमाई गाँउपालिका वडा नं. ४ र ५ का बासिन्दाका लागि छुट्याइएको छ ।

कम्पनीको आइपीओमा असोज १ गतेसम्म आवेदन दिन पाइने छ । सो अवधिमा सबै सेयर विक्री नभएमा ईलामबासीले ढिलोमा असोज १७ गतेसम्म आवेदन दिन पाउने छन् ।

लगानीकर्ताले न्यूनतम १० कित्तादेखि अधिकतम २० हजार कित्ताका लागि आवेदन दिन सक्नेछन् । कम्पनीको आइपीओमा नेपाल एसबीआई बैंक, एनएमबी बैंक, सिद्धार्थ बैंक, सिभिल बैंक र लक्ष्मी बैंकका इलामशाखा कार्यालयबाट आवेदन दिन सक्नेछन् ।

यसका साथै नेपाल धितोपत्र बोर्डबाट स्वीकृतिप्राप्त गरेका सम्पूर्ण सी-आस्वा सदस्य बैंक तथा वित्तीय संस्था र तिनका शाखा कार्यालयबाट आवेदन दिन सकिनेछ । कम्पनीको सेयर निष्काशन तथा विक्री प्रबन्धक नेपाल एसबिआई मर्चेण्ट बैंकिङ लिमिटेड रहेको छ ।

कम्पनीको आइपीओलाई रेटिङ एजेन्सी इक्रा नेपालले ‘इक्रा एनपी इस्युअर रेटिङ डबल बी माइनस’ रेटिङ दिएको छ । यसले कम्पनीको दायित्व बहन गर्ने क्षमतामा मध्यम जोखिम रहेको जनाउँदछ ।