सर्वाेत्तमको शेयर र ४२ करोडको जग्गा काण्डमा मुछिएका धितोपत्र बोर्डका हाकिम ढुंगना निलम्बित सरकारले नेपाल धितोपत्र बोर्डका अध्यक्ष भिष्मराज ढुंगनालाई निलम्बन गरेको छ ।

एकतिर सर्वोत्तम सिमेन्ट प्रकरणमा मुछिएर विवादमा तानिएका ढुंगना जग्गा खरिदका काण्डमा मुछिएर विवादित बनेका थिए । ढुंगनामाथि सर्वोत्तम शेयरको नियम विपरित ढंगले सर्वोत्तम सिमेन्टको ११ हजार ९९२ कित्ता शेयर छोरीको नाममा राखेको भेटिएसँगै अहिले अर्थ मन्त्रालयले स्पष्टीकरण सोधेको थियो ।

यस अघि यही प्रकरणमा मुछिएका नेपाल स्टक एक्सचेञ्जका हाकिम चन्द्रसिंह साउथले पदबाटै राजीनामा दिएर हिडिसकेका छन् । यही बीचमा शेयर कारोवारमा मुछिएर बदनामी कमाएका उनी अहिले जग्गा काण्डमा मुछिए । उनीमाथि जडिबुटीमा रहेको जग्गा खरिद प्रकरणमा तानिएका थिए ।

बोर्डको संचालक समितिले ७ रोपनी जग्गा खरिद गर्ने निर्णय ५ महिना अघि गत चैत्रमै गरी जग्गा खरिदका लागि साढे ४२ करोड रकम बुझाइसकेको भए पनि सो जग्गा अहिलेसम्म धितोपत्र बोर्ड मातहत आएको छैन् ।

सो जग्गा काठमाडौं उपत्यका विकास प्राधिकरणको समेत स्वामित्व भएको र अहिले त्यही स्वामित्वलाई देखाएर जग्गा पास नगराउने र ४२ करोड ५६ लाखको ब्याज मिलिजुली खाने गरि सेटिङ मिलाएको आरोप उनीमाथि छ ।

बैंकका कर्मचारीका अनुसार । ७ प्रतिशतले ब्याज गणना गर्दा पनि बोर्डलाई दैनिक रुपमा ८१ हजार बढी ब्याज आम्दानी गुम्छ । यसैबीच बुधबारको क्याविनेट बैठकले क्याविनेट बैंठकले कानूनविपरीत सर्वोत्तम सिमेन्टको शेयर आफन्तको नाममा खरीद गरिदिएको भन्दै विवादमा परेका धितोपत्र बोर्डका अध्यक्ष भीष्म ढुंगानालाई बोर्ड अध्यक्षबाट निलम्बन गरी छानविन समिति गठन गरेको छ ।

समितिमा उच्च अदालतका पूर्व न्यायाधीश अनन्तराज डुम्रेको अध्यक्षतामा प्राध्यापक नारायणप्रसाद पौडेल र नेपाल कानुन आयोगका सहसचिव अर्जुन कुमार खड्का सदस्य रहेका छन् ।