काठमाडौं । नेपाली युवा उद्यमी मञ्च काठमाडौं च्याप्टरले नेपाली युवा उद्यमी मञ्च काठमाडौं स्टार्टअप अवार्ड घोषणा गरेको छ।

उक्त अवार्ड डक्टर्स अन कल कम्पनीका डा। सुयश कार्कीले जित्न सफल भएका छन्। उनले उक्त अवार्डसहित १ लाख ५० हजार नगद प्राप्त गर्न सफल भएका हुन्।

यस मञ्चले युवालाई व्यावसायिक क्षेत्रमा लाग्न प्रेरित गर्ने उद्देश्यले उत्कृष्ट स्टार्टअप आइडियालाई पुरस्कृत गरेको हो। संस्थाले यो कार्यक्रममार्फत नयाँ उद्यमीहरुलाई आवश्यक पर्ने एक्स्पोजर, मेन्टोरसिप र लगानीको अवसर प्रदान गर्ने जनाएको छ।