काठमाडौं । नेपाली सेनाका प्रधान सेनाका प्रधानसेनापति प्रभु राम शर्माले, नेपाली सेनोको संख्या कटौतिको कुरा प्रति असन्तुष्टि जनाएका छन् ।

मेलम्चीमा इन्द्रावती नदीमा बेलिबृज उद्घाटन समारोहमा उनले, नेपालको भू राजनीतिक परिस्थितिको गम्भीर मुल्याङ्कनपछि मात्रै सेनाको संख्याबारे सोच्नु पर्ने उनको भनाई छ ।

‘नेपाली सेनाको संख्या सम्बन्धमा बेला बखतमा हुने गरेको बहसबारे पनि हाम्रा दाजु भाई दिदी बहिनीले सुनि नै राख्नु भएको छ । सतही रुपमा तपाईहरुले कतिलाई नेपाली सेनाको हालको संख्या ठुलो लाग्न सक्छ ।’ उनले भने ‘ तर नेपाल सरकारले दिएको जिम्मेवारी र गरिरहेको कामलाई हेर्नु भयो भने अझै संलग्नता बढी चाहिन्छ भन्न सकिन्छ । ’

उनले नेपाली सेना र जनताबीचको सम्बन्ध बलियो भएमात्रै राष्ट्रियता बलियो हुने बताए ।
त्यस्तै उनले पुल निर्माणपछि सिन्धुपाल्चोकका आम नागरिकको जनजीवनमा सकरात्मक प्रभाव पर्ने विश्वास व्यक्त गरे ।

मेलम्ची नगरपालिका, इन्द्रावती नगरपालिका तथा पाँच पोखरी गाउँपालिका जोड्ने पुल नेपाली सेनाले निर्माण गरेको हो ।