काठमाडौं । नेपाली कांग्रेसका केन्द्रीय सदस्य विनोदकुमार चौधरीले पार्टी भित्रको विवाद मिलाएर एक बनेर हिड्न नसके अकल्पनीय अवस्थाका सामना गर्नु पर्ने बताएका छन् ।

आईतबार बसेको केन्द्रीय कार्यसमितिको बैठकमा चौधरीले पार्टी भित्रको अवस्था अहिले नै समाधान नगरे भोलि दिन कठिन हुने तर्फ सचेत हुनु पर्ने बताए ।

उनले भने ‘ यदि पार्टी र पार्टीको सिस्टमले आफ्नो आन्तरिक विवाद र फरकहरुका वावजुद पनि आफ्ना आकांक्षाहरु पूरा नहुँदा समेत एउटै शुत्रमा बाँध्न सकिएन भने भोलिका दिनहरुमा पनि जुन प्रकारको परिस्थतिहरु बन्दै छ आउने दिनहरुमा ,जुन प्रकारको प्रतिष्पर्धा नामै नसुनेका मान्छेहरु उठ्दा समेत मेरो आफ्नै क्षेत्रमा पनि मैले १० औं हजारको भोट पाएको मान्छेहरुसित फेस गरे । त्यसैले यो गम्भीर समस्या हो ।

पार्टीले यो संस्कारको विकास गर्नु पर्दछ र त्यस्ता मानसिकता बोकेका मान्छेहरुलाई पन्छाउनै पर्छ । ’
केन्द्रीय सदस्य चौधरीले वाहिर देखिएका पार्टीहरुले आफुलाई जसरी परिचालित गरिरहेको छन् तिनीहरुलाई चिर्न आवश्यक भएको बताएका छन् ।

तिनीहरुलाई चिरेर संगठित भएर एउटै वातावरण बनाउन नसके भोलिका दिन निकै नै कठिन हुने निश्चित भएको चौधरीको ठम्याई छ । ०००