nic bank
himalayan everesat
Nmb bank

विरोधकाबिच ‘अग्र अनुहार’को विमोचन, केहीले पुस्तक च्याते

sanimareliance life
मिडिया स्पेस सोलुसन्स प्रालि
Machhapuchchhre Bank

काठमाडौं । नेपाल पत्रकार महासंघका अहिलेसम्मका सभापतिहरुहको बारे लेखिएको पुस्तक ‘अग्र अनुहार’ विमोचन गरिएको छ ।

आदिवासी जनजाति पत्रकार महासंघ (फोनिज)को अवरोधका बाबजुद आइतबार काठमाडौंमा एक कार्यक्रमको आयोजना गरि पुस्तकको विमोचन गरिएको हो ।

लामो समयदेखि कायम रहेको महासंघको संस्थापक सभापतिको विवादलाई लिएर फोनिजका पदाधिकारीले अग्रज पत्रकारहरूमाथि उग्र व्यवहार देखाएका थिए । उनीहरुले मञ्चमा आसिन अग्र पत्रकारहरुको हातबाट किताव नै खोसेर च्यातेका थिए ।

पत्रकार महासंका केन्द्रीय अध्यक्ष विपुल पोख्रेलले नयाँ पत्रकार तथा पत्रकारिताका विद्यार्थीहरुका लागि पत्रकार महासंघको अभिलेखका रुपमा यो पुस्तकको विमोचन गरिएको दाबी गरे ।
उनले भने, ‘पत्रकारको विद्यार्थीहरुका लागि अभिलेखहरुका संग्रह कमै छन् । पाठ्य सामग्रीहरु कमैछन् । त्यसैले हामीले यो पुस्तक बजारमा ल्याएका छौं ।’

परिवर्तनको क्षेत्रमा राजनीतिक र सामाजिक क्षेत्रमा पत्रकार महांघको योगदान महत्वपूर्ण रहेको भन्दै यसबारे जानकारी दिन र अध्ययन अनुसन्धान गर्न पुस्तक विमोचन गरिएको बताए ।

केही पत्रकार संघ संगठनहरुले संस्थापकका बारेमा केही असन्तुष्टि जनाउँदै आएको उल्लेख गर्दै उक्त सन्दर्भमा अध्ययन, अनुसन्धान, इतिहासको खोजी गरेर टुंगोमा पुर्याउनुपर्ने धारणा राखे ।

त्यस्तै, अग्रज पत्रकार रामकृष्ण रेग्मीले पत्रकारितामा रुची राख्न खोज्ने पत्रकारका लागि पुस्तक महत्वपूर्ण रहेको बताए ।

यस्ता मौलिक पुस्तकहरु कम मात्र बजारमा आएको भन्दै खोजी पत्रकारिताका लागि इतिहास पल्टाउनुपर्ने उनको भनाइ थियो ।

उनले भने, ‘अहिलेसम्म आईपुग्दा विभिन्न प्रगति भएका छन् । अहिले च्याट जिपिटिले च्यालेञ्ज गरेको बेला आमसञ्चारले कसरी लिइरहेको छ भन्ने बुझ्न यो सात दशकको पत्रकारको अनुभव लिनुपर्ने बेला आएको छ ।’

महासंघका अभिलेखहरुमा नेपाल पत्रकार महासंका संस्थापक सभापति कृष्णप्रसाद भट्टराई रहेपनि सत्यन्द्रबहादुर श्रेष्ठ संस्थापक सभापति भएको फोनिजको दावी छ ।

फोनिजका वरिष्ठ उपाध्यक्ष लक्की चौधरीले महासंघले इतिहास मेटाउने काम भएकाले आाफूहरुले त्यसको विरोध गरेको बताए ।

२००८ वैशाख ९ गते सत्यनारायण बहादुर श्रेष्ठ महासंघ (तत्कालीन पत्रकार संघ) को अध्यक्ष भएका थिए । तर महासंघले प्रकाशन गरेको पुस्तकमा त्यसको कुनै पनि चर्चा नरहेका कारण आफूहरूले कार्यक्रम अवरुद्ध गर्नुको साथै पुस्तक पनि च्यातेको उनको भनाई थियो ।

त्यस्तै, फोनिजका महासचिव मिलन लिम्बुले यसमा समावेश तथ्य गलत भएको भन्दै एक हप्ता अगाडी सच्याउन आग्रह गरिएको भएपनि महासंघले त्यसको नजरअन्दाज गरेको बताए ।

उनले भने, ‘यो गलत छ । सत्यन्द्रबहादुर श्रेष्ठ योगदानमाथि किन अपहेलना गरियो ? नेपाल पत्रकार महासंघले यो सम्झनुपर्छ कि महासंघ सबैको साझा संस्था हो । हामी अग्रजहरुमा सम्मान व्यक्त गर्दछौं तर यसरी अग्रज छान्दै गर्दा एउटा अनुहार किन लेखिएन यहाँ ?’

पुस्तक नसच्चिए ‘अग्र अनुहार’ नामक पुस्तक बजारमा जान नदिने उनको चेतावनी थियो । त्यस्तै पुस्तकमा महिला अनुहार नसमेटिएकोप्रति महिला पत्रकारहरुले आपत्ति जनाउँदै आएपनि प्रकाशित पुस्तक अध्ययन गरिसकेपछि मौन बसेका थिए ।

यद्यपी, पत्रकार महासंघका हालसम्मका आधिकारिक दस्तावेज र विधानहरुमा संस्थापक सभापतिका रुपमा भट्टराईलाई स्वीकारिएको छ ।

फोनिजका पदाधिकारी समर्थकहरू कार्यक्रमस्थलमा भेला भएपछि कार्यक्रममा प्रमुख अतिथि र मुख्य अतिथि तोकिएका सभामुख देवराज घिमिरे र सञ्चारमन्त्री रेखा शर्मा उपस्थित भएनन् ।

गौतम बुद्ध म्युजिक एण्ड फिल्मस् अवार्ड-२०२४ को ग्राण्ड फिनाले सम्पन्न

गौतम बुद्ध म्युजिक एण्ड फिल्मस् अवार्ड-२०२४ को...

वि.सं.२०८१ वैशाख १० सोमवार २२:३१

  पहिलो संस्करणको गौतम बुद्ध म्युजिक एण्ड फिल्मस् अवार्ड-२०२४ को...

जलविद्युत सम्बन्धि नीति परिवर्तन भएको छैन : अर्थमन्त्री पुन

जलविद्युत सम्बन्धि नीति परिवर्तन भएको छैन :...

वि.सं.२०८१ वैशाख १० सोमवार २२:०९

  अर्थमन्त्री वर्षमान पुनले १५ वर्षदेखिकै जलविद्युत सम्बन्धि नीति अहिले...

स्रोतहरु सिमित छन,आवश्यकताहरु असिमित छन् : मन्त्री तामाङ

स्रोतहरु सिमित छन,आवश्यकताहरु असिमित छन् : मन्त्री...

वि.सं.२०८१ वैशाख १० सोमवार १७:४५

  संस्कृती, पर्यटन तथा नागरिक उड्डयनमन्त्री हितबहादुर तामाङले आगामी वर्षमा...

नेपालका कम्युनिस्ट र वामपन्थी शक्तिबीच एकता र ध्रुबीकरणका लागि प्रधानमन्त्री दाहालको अपिल

नेपालका कम्युनिस्ट र वामपन्थी शक्तिबीच एकता र...

वि.सं.२०८१ वैशाख १० सोमवार १०:५२

    प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहालले...

अधिबेशनका प्रतिनिधि छनौट गर्न मतदान अधिकृत

अधिबेशनका प्रतिनिधि छनौट गर्न मतदान अधिकृत

वि.सं.२०८१ वैशाख ९ आइतवार ०८:०५

रसुवा, नेकपा एमाले रसुवाको ९ औं अधिबेशनका लागि निर्वाचन कमिटीले...

खेलकुद विकास ऐन २०७७ कार्यान्वयन नगर्नु जनमतको अनादर

खेलकुद विकास ऐन २०७७ कार्यान्वयन नगर्नु जनमतको...

वि.सं.२०८१ वैशाख ८ शनिवार २३:१८

  राष्ट्रिय खेलकुद परिषद्का सदस्य सचिव टंकलाल घिसिङले खेलकुद विकास...