काठमाडौं । नेपाल एसबिआई बैंक लिमिटेडले एईसी ग्लोबल नेपाल प्रा. लि. (एईसीसी) सँग मिलेर विदेशमा अध्ययन गर्न चाहने विद्यार्थीहरूलाई सजिलै शैक्षिक कर्जा उपलब्ध गराउने सम्झौता गरेको छ।

बैंकका प्रमुख कर्जा अधिकृत अर्जुन नेपाल र एईसीसीका निर्देशक अजित सिंहले सम्झौतामा हस्ताक्षर गरेका हुन्। यस सम्झौताले विदेशमा पढ्न जाने विद्यार्थीहरूका लागि शैक्षिक कर्जा पाउने प्रक्रियालाई थप सहज बनाउने विश्वास व्यक्त गरिएको छ।

हाल यस बैंकले १०० शाखा, २२ एक्सटेन्सन काउन्टर, ७ प्रदेश कार्यालय, १९ शाखारहित बैंकिङ सेवा, १२१ एटीएम र १ कर्पोरेट कार्यालयमार्फत बैंकिङ सेवा प्रदान गर्दै आइरहेको छ।