काठमाडौं । यामाहाले इन्डोनेसियामा एरोक्सको नयाँ संस्करण सार्वजनिक गरेको छ । कम्पनीले स्पोर्टी स्टाइलिङ ट्वीक्स र नयाँ सुविधा थपेर अल्फा एडिसन लन्च गरेको हो ।

सो नयाँ स्कुटरमा स्ट्यान्डर्ड भर्सनको तुलनामा थप आक्रामक डिजाइन दिइएको छ । यसमा एकीकृत टर्न सिग्नल सहितको डुअल एलईडी हेडल्याम्प राखिएकोछ भने नयाँ एलईडी टेल लाइट सहितको रियर एन्ड रिवर्क गरिएको छ । म्याक्सी स्कुटर सात आकर्षक रंग संयोजनमा उपलब्ध छ ।

एरोक्स अल्फा ब्लुटुथ कनेक्टिभिटी र टर्न–वाई–टर्न नेभिगेसन, ट्रयाक्सन कन्ट्रोल र आपतकालीन रोक संकेत सहितको टिएफटी इन्स्ट्रयुमेन्ट कन्सोलले सुसज्जित छ ।

१५५ सिसी सिंगल सिलिन्डर इन्जिन जडान गरिएको स्कुटरले १५ बिएपची पावर र १४ एनएम टर्क जेनेरेट गर्दछ । इन्जिनलाई इलेक्ट्रिक सिभिटी ट्रान्समिसनमा जोडिएको छ, जसले दुई राइडिङ मोड र तीन एक्सेलेरेशन मोडहरू प्रदान गर्दछ ।

एरोक्स अल्फाको अगाडि टेलिस्कोपिक फोर्क र पछाडि डुअल शक एब्जर्बर छन् । आकर्षक एलोई ह्विल उपलब्ध गराइएको स्कुटरको दुबै चक्कामा डिस्क ब्रेक राखिएको छ ।

एरोक्स नेपाली बजारमा समेत उपलब्ध रहँदै आएको प्रिमियम स्कुटर हो । नेपाली बजारमा यसको रेगुलर भर्सनमात्रै उपलब्ध छ । जसको मूल्य ५ लाख रुपैँया निर्धारण गरिएको छ ।