काठमाडौं । माछापुच्छ्रे क्यापिटल लिमिटेड र माछापुच्छ्रे बैंक लिमिटेडको कपन शाखाको संयुक्त आयोजनामा कपन बहुमुखी क्याम्पसमा मंगलवार वित्तीय साक्षरता तथा सचेतना कार्यक्रम सम्पन्न भएको छ।

कार्यक्रमले युवा विद्यार्थीहरूलाई वित्तीय ज्ञान र लगानी सचेतना बढाउन महत्वपूर्ण भूमिका खेलेको छ। स्नातक तहका विद्यार्थीहरूलाई लक्षित गरी गरिएको यो कार्यक्रमले उनीहरूलाई लगानीको महत्व, वित्तीय योजना, र भविष्यमा आर्थिक स्थायित्व निर्माणका लागि आवश्यक आधारभूत सीप प्रदान गर्‍यो।

माछापुच्छ्रे बैंकको कपन शाखाले क्याम्पसका विद्यार्थीहरूलाई वित्तीय शिक्षाको महत्त्व बुझाउँदै लगानी सम्बन्धी ज्ञान बढाउन विभिन्न प्रस्तुति र अन्तरक्रियात्मक सत्रहरू सञ्चालन गर्‍यो। यस अवसरमा बैंकका प्रतिनिधिहरूले युवाहरूलाई वित्तीय निर्णयमा सचेत बनाउने उद्देश्यले व्यावहारिक दृष्टिकोणका साथ आफ्नो अनुभव र सुझाव साझा गरे।