काठमाडौँ। रिलायबल नेपाल लाइफ इन्स्योरेन्स लिमिटेडका ग्राहक, अभिकर्ता, र कर्मचारीहरूले अब पोखराको अन्नपुर्ण केबलकारमा ३० प्रतिशत विशेष छुट पाउने भएका छन्। रिलायबल नेपाल लाइफ इन्स्योरेन्स र अन्नपुर्ण केबलकारबीच भएको दुई पक्षीय समझदारीले यस्तो सुविधा उपलब्ध गराउने व्यवस्था गरेको हो।

समझदारीपत्रमा रिलायबल नेपाल लाइफ इन्स्योरेन्सका तर्फबाट प्रमुख कार्यकारी अधिकृत नारायण बाबु लोहनी र अन्नपुर्ण केबलकारका तर्फबाट सञ्चालक चन्द्र बहादुर कार्कीले हस्ताक्षर गरेका छन्।

रिलायबल नेपाल लाइफ इन्स्योरेन्सले आफ्नो ७ वर्षे यात्रा पूरा गरी आठौं वर्षमा प्रवेश गरेको छ। यस अवधिमा कम्पनीले ७० लाखभन्दा बढी बीमितहरूको विश्वास जित्न सफल भएको छ।

कम्पनीका अनुसार अन्नपुर्ण केबलकारसँगको यस सहकार्यले ग्राहकहरूले थप सहुलियतपूर्ण सेवा पाउनेछन्। जीवन बीमा क्षेत्रका नवीनतम सेवाहरू प्रवर्द्धन गर्न कम्पनीले खेलेको भूमिका महत्वपूर्ण रहेको पनि उल्लेख गरिएको छ।