काठमाडौँ । सामाजिक उत्तरदायित्वको अन्तर्गत सिटिजन लाइफ इन्स्योरेन्स कम्पनी लिमिटेडले कर्णाली प्रदेशस्थित बादी समुदायका १३० भन्दा बढी अनाथ तथा असहाय बालबालिकालाई संरक्षण गरिरहेको बादी सरोकार मञ्च नेपाल लाई खाद्यान्न सामग्री सहयोग गरेको छ।

यस अन्तर्गत कम्पनीले चामल, दाल, तेल लगायत आवश्यक खाद्यपदार्थ उपलब्ध गराएको छ, जसले संस्थामा बस्ने बालबालिकाहरूको पोषण तथा दैनिक आवश्यकतामा सहयोग पुग्ने अपेक्षा छ।

बादी समुदाय नेपालको सीमान्तकृत र ऐतिहासिक रूपमा पिछडिएको समुदाय हो। बादी सरोकार मञ्च नेपाल ले यस समुदायका महिला, बालबालिका तथा परिवारहरूलाई शिक्षा, स्वास्थ्य, आवास र आत्मनिर्भरता कार्यक्रममा सहयोग गर्दै आएको छ।

सिटिजन लाइफका प्रमुख बजार व्यवस्थापक भुषण रिमाल र प्रमुख व्यवसाय अधिकृत धोज बहादुर खड्काले संस्थाका संचालक हिक्मत बादीलाई खाद्यसामग्री हस्तान्तरण गरे। कम्पनीले यस सहयोगबाट संस्थाको कार्यमा ढुक्क हुने विश्वास व्यक्त गरेको छ।