शमसेरगञ्ज । एन आइसी एशिया लघुवित्त वित्तीय संस्था लिमिटेडको लुम्बिनी प्रदेश अन्तर्गत रहेको शमसेरगञ्ज शाखाले विपन्न वर्गको आर्थिक उत्थानमा योगदान पुर्‍याउने उद्देश्यले दुई दिने आधारभूत कुखुरापालन तालिम सम्पन्न गरेको छ।

उक्त तालिम वैशाख ३० र ३१ गते शमसेरगञ्जमा आयोजना गरिएको थियो। तालिममा शाखा प्रमुख मधु शाह, पशु विकास अधिकृत पूर्ण बहादुर खत्री, र अनुगमन अधिकृत बुद्धिराम चौधरीको उपस्थिति रहेको थियो।

कुल २८ जना सहभागीहरूले तालिमबाट कुखुरापालनसम्बन्धी आवश्यक ज्ञान हासिल गरेका छन्। तालिम पश्चात सहभागी सबैलाई प्रमाणपत्र प्रदान गरिएको आयोजक संस्थाले जनाएको छ।

लघुवित्तले आगामी दिनमा पनि यस्ता सीपमूलक कार्यक्रममार्फत समुदायको आयआर्जनमा सहयोग पु-याउने प्रतिबद्धता जनाएको छ।