एन आई सी एशिया बैंकका ग्राहकलाई स्काइ ब्रोडब्याण्ड इन्टरनेटमा रु. १५०० छुट
Monday Aug 18, 2025
वि.सं.२०८२ भदौ २ सोमवार २१:४५
काठमाडौं। एन आई सी एशिया बैंकका ग्राहक महानुभावहरूलाई इन्टरनेट सेवामा विशेष छुट उपलब्ध गराउने उद्देश्यले स्काइ ब्रोडब्याण्ड प्रा.लि. र बैंकबीच सम्झौता सम्पन्न भएको छ।
यस सम्झौता अनुसार, बैंकका ग्राहकहरूले स्काइ ब्रोडब्याण्डको १५० एमबीपीएस, २५० एमबीपीएस र ३५० एमबीपीएस इन्टरनेट सेवामा नयाँ जडान लिनु वा वार्षिक नवीकरण गर्दा रु. १५०० छुट पाउनेछन्।
छुट प्राप्त गर्न ग्राहकहरूले एन आई सी एशिया बैंकको डेबिट कार्ड, क्रेडिट कार्ड, प्रिपेड कार्ड वा मोबैंक एप मार्फत भुक्तानी गर्नुपर्नेछ।
यस सहकार्यले बैंकका ग्राहकहरूलाई इन्टरनेट सेवामा थप लाभ दिने मात्र होइन, डिजिटल भुक्तानी प्रवर्द्धन गरी नगदरहित कारोबारलाई प्रोत्साहन गर्ने विश्वास बैंकले व्यक्त गरेको छ।
