काठमाडौं । नेपाल बैंक लिमिटेड र नुवाकोट जिल्लाको दुप्चेश्वर गाउँपालिका–०७ मा अवस्थित कोटबारी होटेल प्रा.लि. बीच विशेष छुटसम्बन्धी सम्झौता भएको छ ।

सम्झौता अनुसार नेपाल बैंकमा कार्यरत कर्मचारी, कर्मचारीका परिवारका सदस्य तथा बैंकका ग्राहकहरूले कोटबारी होटेल प्रा.लि. बाट प्राप्त हुने रिसोर्ट सेवामा बिल रकमको १० देखि १५ प्रतिशतसम्म छुट पाउने व्यवस्था मिलाइएको छ ।

मिति २०८२ साल भदौ ११ गते (बुधबार) सम्पन्न उक्त सम्झौतामा नेपाल बैंक लिमिटेडका तर्फबाट सहायक प्रमुख कार्यकारी अधिकृत श्री प्रकाश कुमार अधिकारी र कोटबारी होटेल प्रा.लि. का तर्फबाट महाप्रबन्धक श्री आनन्द सिंह ठकुरी ले हस्ताक्षर गर्नुभएको छ ।

यस सम्झौताले नेपाल बैंकका कर्मचारी, तिनका परिवार र ग्राहकलाई घुमफिर तथा आतिथ्य सेवामा थप सुविधा पुग्ने विश्वास लिइएको छ ।