काठमाडौं । माछापुच्छ्रे बैंक लिमिटेडले गत आर्थिक वर्ष २०८१/८२ को नाफाबाट आफ्ना शेयरधनीलाई ८ प्रतिशत लाभांश (करसहित) वितरण गर्ने घोषणा गरेको छ ।

बैंकको भदौ १३ गते बसेको सञ्चालक समिति बैठकले ४ प्रतिशत नगद लाभांश र ४ प्रतिशत बोनस सेयर गरी जम्मा ८ प्रतिशत लाभांश वितरण गर्ने निर्णय गरेको हो । यस निर्णयलाई नेपाल राष्ट्र बैंकको स्वीकृति तथा आगामी वार्षिक साधारण सभाले पारित गरेपछि कार्यान्वयनमा ल्याइनेछ ।

माछापुच्छ्रे बैंकले मुलुकका विभिन्न समुदाय र क्षेत्रमा वित्तीय पहुँच विस्तार गर्ने उद्देश्यका साथ निरन्तर नयाँ शाखा खोल्दै आएको छ । साथै, कर्जा, निक्षेप लगायतका सम्पूर्ण बैंकिङ सुविधा र २४ घण्टा एटीएम सेवा पनि उपलब्ध गराइरहेको छ ।