काठमाडौं । नेपाल इन्भेष्टमेण्ट मेगा बैंक लिमिटेड र नेपाल मेडिकल एसोसिएसनबीच व्यावसायिक सम्झौता भएको छ । विस्तारित बैंकिङ सेवा प्रदान गर्ने उद्देश्यसहित भएको सम्झौतामा बैंकका प्रमुख कार्यकारी अधिकृत ज्योति प्रकाश पाण्डे र एसोसिएसनका अध्यक्ष डा. अनिल बिक्रम कार्कीले हस्ताक्षर गर्नुभएको हो ।

सम्झौताअनुसार एसोसिएसनका सम्पूर्ण सदस्यलाई बैंकको २७५ वटा शाखामार्फत ‘प्रोफेशनल बचत खाता’ सुविधा उपलब्ध गराइनेछ । यस खाता खोल्ने सदस्यलाई दश लाख रुपैयाँसम्मको दुर्घटना बीमा सुविधा प्रदान गरिनेछ । साथै व्यावसायिक कर्जा, साना तथा मझौला कर्जा, क्लिन सोसल कर्जा, व्यक्तिगत कर्जा, सवारी तथा घर कर्जा, डेबिट÷क्रेडिट कार्ड र मोबाइल बैंकिङमा पनि विशेष छुट उपलब्ध हुनेछ ।

बैंकले यस सम्झौताबाट एसोसिएसनका सदस्यहरू प्रत्यक्ष लाभान्वित हुने विश्वास व्यक्त गरेको छ ।