काठमाडौं । नेपाल बैंक लिमिटेड र लक्ष्मी इन्टरकन्टिनेन्टल प्रा. लि. बीच विशेष सम्झौता सम्पन्न भएको छ । सम्झौता अनुसार नेपाल बैंकका कर्मचारी तथा बैंकमा खाता रहेका ग्राहकहरूले हुन्डाई मोटर्सका विभिन्न मोडलका गाडी खरिद गर्दा कम्पनीले दिने नियमित छुट बाहेक थप विशेष छुट पाउने व्यवस्था गरिएको छ ।

सम्झौता अनुसार गाडी खरिद गर्दा रु. ५० हजारदेखि रु. ८१ हजारसम्म अतिरिक्त छुट उपलब्ध हुनेछ । यस व्यवस्थाले नेपाल बैंकका कर्मचारी तथा ग्राहकहरूलाई सहज र लाभदायी ढंगले नयाँ गाडी खरिद गर्ने अवसर दिने विश्वास लिइएको छ ।

सम्झौतामा नेपाल बैंक लिमिटेडको तर्फबाट प्रमुख वित्त अधिकृत श्री प्रकाश कुमार अधिकारी र हुन्डाई मोटर्स प्रा. लि. का महाप्रबन्धक श्री दीपक थपलियाले हस्ताक्षर गर्नुभएको हो ।