काठमाडौं । टीभीएसको नयाँ एड्भेन्चर मोटरसाइकल आगामी अक्टोबर १५ मा लन्च हुने भएको छ । मिडिया रिपोर्टका अनुसार सो नयाँ मोटरसाइकल अपाचे आरटीएक्स ३०० हुनेछ ।

टीभीएसले पहिलो पटक आफ्नो नयाँ इन्जिन आरटी–एक्सडी४ लाई सोही नयाँ मोटरसाइकलमा प्रयोग गर्दैछ । २९९ सीसी क्षमताको उक्त इन्जिनले ९ हजार आरपीएममा ३४.५ बीएचपी पावर र ७ हजार आरपीएममा २८.५ एनएम टर्क जेनेरेट गर्दछ । सो नयाँ इन्जिनलाई स्लिपर क्लच मार्फत ६–स्पीड गियरबक्ससँग जोडिने जनाइएको छ ।

अगाडि यूएसडी फोर्क र पछाडि मोनो–शक जडान हुने आरटीएक्स ३०० मा डुअल च्यानल एबीएस उपलब्ध हुने जनाइएको छ । यसमा रोड गोइङ एडजस्ट गर्न सकिने स्प्रिङ्स पनि यसमा देख्न सकिन्छ । साथै बाइकमा एलईडी लाइट, राइड मोड, पूर्ण रूपमा डिजिटल कन्सोललगायत अन्य धेरै एडभान्स फिचर हुने अपेक्षा गरिएको छ ।

नयाँ बाइक मस्कुलर बडी प्यानलका साथ आउनेछ । साथै यसको हार्डवेयरमा ट्युब टायरसहितको वायर स्पोक ह्विलमा माउन्ट गरिएको फ्रन्ट र रियर डिस्क ब्रेक सेटअप हुनेछ । यसमा टीभीएसले १९ वा २१ इन्चको फ्रन्ट ह्विल उपलब्ध गराउनेछ । कम्पनीले यसलाई अफरोड र अनरोड बाइकको रूपमा पनि उपलब्ध गराउन सक्छ ।

लन्चिङ पछि सो बाइकले भारतीय बजारमा हिरो एक्सप्लस, केटीएम २५० एड्भेन्चर र रोयल इन्फिल्ड हिमालयन ४५० सँग प्रतिस्पर्धा गर्नेछ । सो बाइक टीभीएसको सबैभन्दा महँगो बाइक पनि हुनेछ ।