काठमाडौं ।  प्रिमियर इन्टरनेसनल IB Continuum Schoolले नेपालकै पहिलो Diplomathon World Symposium आयोजना गर्दै देशको शैक्षिक इतिहासमा नयाँ अध्याय सुरु गरेको छ। दुई दिनसम्म चलेको यो अन्तर्राष्ट्रिय बहस तथा नीतिनिर्माण कार्यक्रममा उपत्यका भित्र र बाहिरका १० भन्दा बढी विद्यालयका १५० भन्दा बढी विद्यार्थीहरूले सहभागिता जनाए।

कार्यक्रममा विद्यार्थीहरूले जलवायु परिवर्तन, विश्वव्यापी ई–कमर्स, सार्वजनिक स्वास्थ्य, भविष्यका लागि तयार शिक्षा, र फुटबल पर्यटन जस्ता समसामयिक विषयमा बहस, नीतिगत प्रस्ताव र संकट समाधानका अभ्यासहरू प्रस्तुत गरे।

समापन समारोहमा प्रिमियरका विद्यार्थीहरूले उत्कृष्ट प्रदर्शन गर्दै Overall Best Delegation Award हात पारे।

विजेता विद्यार्थीहरू:

Best Delegate (BD): दार्शनीका न्यौपाने, शाइरा श्रेष्ठ बताजु, असोस पुरी, आश्रय अग्रवाल, रुचिका खड्गी

High Commendation (HC): अनुज के. घिमिरे, प्रिशा कर्माचार्य, हृदिमा अग्रवाल

Special Mention (SM): शिवाय अग्रवाल, आरोन श्रेष्ठ

समारोहमा शैक्षिक निर्देशक प्रवीणा थापाले भनिन्, “प्रिमियर सधैं नयाँ काम गर्न तयार रहने संस्था हो। Diplomathon World Symposium हाम्रो शैक्षिक यात्राको अर्को महत्वपूर्ण उपलब्धि हो, जसले देखायो कि नेपाली विद्यार्थीहरू पनि विश्वका युवासँग समान स्तरमा छलफल र समाधान खोज्न सक्षम छन्।”

Diplomathon कार्यक्रम दुई चरणमा सम्पन्न भएको थियो — पहिलो चरणमा अन्तर्राष्ट्रिय प्रशिक्षण र सहकार्य, र दोस्रो चरणमा प्रिमियरको परिसरमा प्रत्यक्ष बहस र नीतिनिर्माण अभ्यास। आगामी वर्ष विद्यार्थीहरूले Diplomathon World Symposium Global Round Japan 2026 मा नेपालको प्रतिनिधित्व गर्नेछन्।

यस उपलब्धिसँगै प्रिमियर इन्टरनेसनल IB Continuum School शैक्षिक नवप्रवर्तन र विश्वस्तरको नेतृत्व विकासमा अग्रणी संस्थाको रूपमा स्थापित भएको छ।