काठमाडौं । नर्सरी व्यवसायी सङ्घ नेपालले ‘तिहारको उत्सव, फूलको महोत्सव’ भन्ने नाराका साथ यस वर्ष पनि तिहार फ्लोरा एक्स्पो–२०८२ आयोजना गरेको छ। तिहारलाई लक्षित गर्दै फूल, बोटबिरुवा तथा नर्सरी व्यवसायको प्रवद्र्धन गर्ने उद्देश्यले आयोजना गरिएको यो एक्स्पो आज असोज २८ गतेदेखि कात्तिक १ गतेसम्म सञ्चालन हुनेछ।

कार्यक्रममा देशभरका नर्सरी व्यवसायीहरू, फूल उत्पादक, बोटबिरुवा व्यापारी तथा प्रकृतिप्रेमीहरूको सहभागिता रहनेछ। एक्स्पोमार्फत स्वदेशी उत्पादनको बजार विस्तार, नर्सरी व्यवसायको पेशागत विकास तथा तिहारमा फूलको सांस्कृतिक महत्त्वलाई अझ प्रवद्र्धन गर्ने अपेक्षा गरिएको छ।