काठमाडौं । राष्ट्रिय प्रजातन्त्र पार्टी, दोलखा जिल्ला (प्रदेश ‘ख’) द्वारा आयोजित “शुभ दीपावली, छठ तथा नेपाल सम्वत् ११४६” शुभकामना आदान–प्रदान तथा भेटघाट कार्यक्रम – २०८२ दोलखामा भव्य रूपमा सम्पन्न भएको छ।

कार्यक्रममा पार्टीका पदाधिकारी, कार्यकर्ता तथा विभिन्न समुदायका स्थानीय बासिन्दाहरूको उल्लेखनीय उपस्थिति रहेको थियो। कार्यक्रममा सहभागीहरूले आपसी शुभकामना साटासाट गर्दै दीपावली, छठ पर्व र नेपाल सम्वत् ११४६ को हार्दिक मंगलकामना व्यक्त गरेका थिए।

सो अवसरमा वक्ताहरूले नेपाली समाजमा रहेका विविध संस्कृतिहरूले एकता, सहिष्णुता र सद्भाव बढाउने सन्देश दिन्छन् भन्दै सबै धर्म, जात र संस्कृतिप्रति सम्मान गर्न आग्रह गरेका थिए।

कार्यक्रमले आपसी सम्बन्ध सुदृढ गर्दै स्थानीय तहमा राष्ट्रिय प्रजातन्त्र पार्टीको संगठन सुदृढीकरणमा सकारात्मक प्रभाव पार्ने विश्वास गरिएको छ।