काठमाडौं । कुमारी बैंक लिमिटेडले बसन्तपुरकी निवर्तमान कुमारी तृष्णा शाक्यलाई बैंकले विगत वर्षदेखि संकलन गर्दै आएको शैक्षिक छात्रवृत्ति रकम रु. ७,३८,८११.९५ हस्तान्तरण गरेको छ। बैंकले प्रत्येक वर्ष रु. १ लाखको दरले कोष जम्मा गर्दै आएको थियो, जसको उद्देश्य निवर्तमान कुमारीको आगामी शैक्षिक यात्रामा सहयोग पुर्‍याउनु हो।

विगत २४ वर्षदेखि सेवा दिँदै आएको कुमारी बैंकले देशभर ३०२ शाखा, ५० एक्सटेन्सन काउन्टर, ४८ शाखाहीन बैंकिङ्ग ईकाई, र ३१७ एटिएममार्फत शिक्षा, स्वास्थ्य, उद्यमशीलता र वातावरण संरक्षण जस्ता सामाजिक उत्तरदायित्वका कार्यक्रमहरू निरन्तर सञ्चालन गर्दै आएको छ।

बैंकले भविष्यमा पनि यस्ता कार्यक्रमहरूलाई अझ सशक्त रूपमा अघि बढाउने प्रतिबद्धता जनाएको छ।