काठमाडौं। सन नेपाल लाइफ इन्स्योरेन्स कम्पनी लिमिटेडले आफ्नो वित्तीय सुदृढता र दायित्व पूरा गर्ने क्षमतामा उल्लेखनीय सुधार गर्दै केयर रेटिङ्स नेपाल लिमिटेडबाट ‘BBB+’ रेटिङ प्राप्त गरेको छ। उक्त रेटिङले कम्पनीको विश्वसनीयता, सुदृढ वित्तीय प्रदर्शन, अनुभवी व्यवस्थापन टोली, सशक्त प्रशासनिक प्रणाली र उच्च गुणस्तरको लगानी पोर्टफोलियोलाई प्रतिविम्बित गर्छ।

केयर रेटिङ्स नेपालका अनुसार, ‘BBB+’ श्रेणीमा पर्ने कम्पनीहरूलाई आफ्ना दायित्वहरू समयमा पूरा गर्न सक्षम र स्थिर वित्तीय स्थिति भएको कम्पनीका रूपमा मानिन्छ। कम्पनीले ग्राहक वर्ग, अभिकर्ता तथा शेयरधनीहरूको निरन्तर विश्वासका लागि आभार व्यक्त गर्दै अझ सुदृढ, पारदर्शी र जिम्मेवार बीमा सेवा प्रदान गर्ने प्रतिबद्धता जनाएको छ।

हाल सन नेपाल लाइफ इन्स्योरेन्सले देशभरका १४८ शाखा तथा उप–शाखामार्फत सेवा सञ्चालन गरिरहेको छ। कम्पनीले आगामी दिनमा ग्राहक सन्तुष्टिमा अझ केन्द्रित भई बीमा सेवा विस्तार र नवप्रवर्तनमा जोड दिने योजना अघि सारेको जनाएको छ।