काठमाडौँ । एनआईसी एशिया बैंकले आफ्नो मूल नारा “बैंक पनि साथी पनि, राम्रो पनि हाम्रो पनि” अनुसार नयाँ कर्जा योजना ‘NIC ASIA Share Loan’ सार्वजनिक गरेको छ। यो योजना विशेषगरी शेयर बजारमा लगानी गर्ने व्यक्तिगत तथा संस्थागत ग्राहकका लागि तयार पारिएको हो।

बैंकले यस योजनामा शून्य प्रिमियम सुविधा उपलब्ध गराएको छ, जसले गर्दा लगानीकर्ताले अतिरिक्त शुल्कबिना आफ्नो लगानीमा कर्जा लिन सक्नेछन्। साथै, योजना प्रतिस्पर्धी ब्याजदरमा आधारित रहेको छ, जसले लगानीकर्तालाई किफायती दरमा वित्तीय सुविधा उपलब्ध गराउने उद्देश्य राखेको छ।

व्यक्तिगत लगानीकर्तालाई यस योजना अन्तर्गत अधिकतम रु. २५ करोडसम्म कर्जा लिन सकिने व्यवस्था गरिएको छ भने संस्थागत लगानीकर्तालाई रु. ५० करोडसम्म कर्जा उपलब्ध गराइनेछ। बैंकले छिटो र पारदर्शी सेवा प्रदान गर्ने साथै लचिलो भुक्तानी योजनाको व्यवस्था समेत गरेको छ, जसले ग्राहकलाई आफ्नो सुविधा अनुसार किस्ता भुक्तानी गर्न सहज बनाउँछ।

ग्राहकको सुविधा र समस्या समाधानका लागि बैंकले ‘कर्जा सहायता केन्द्र’ पनि स्थापना गरेको छ। यस केन्द्र मार्फत ग्राहकहरूले सल्लाह, सुझाव, गुनासो तथा जिज्ञासा समाधान गर्न सक्नेछन्।

बैंकले जनाएको छ कि यस कर्जामार्फत शेयर बजारमा लगानी गर्ने ग्राहकलाई सहज, सुरक्षित र लाभदायक सुविधा उपलब्ध गराउने लक्ष्य राखिएको छ। यस योजनाले शेयर बजारमा लगानी बढाउने साथै लगानीकर्ताको वित्तीय योजना र दीर्घकालीन लाभ सुनिश्चित गर्न महत्वपूर्ण भूमिका खेल्ने अपेक्षा गरिएको छ।