प्रोटोन ईमासको काठमाडौँमा एक्सचेन्ज अफर
Thursday Nov 20, 2025
वि.सं.२०८२ मंसिर ४ बिहीवार २१:१५
काठमाडौँ । जगदम्बा मोटर्स प्रा.लि. अन्तर्गत सञ्चालन हुने नेपालकै अग्रणी इलेक्ट्रिक सवारी (इभी) ब्रान्ड प्रोटोन ईमासले विशेष एक्सचेन्ज अफर कार्यक्रम सञ्चालन गर्ने भएको छ। कार्यक्रम नोभेम्बर २१ देखि २३ सम्म काठमाडौँको ज्ञानेश्वरस्थित एटीकमा आयोजना हुनेछ।
तीन दिनसम्म चल्ने अफरमा विद्यमान सवारी साधन एक्सचेन्ज गर्न चाहने ग्राहकहरूलाई प्रोटोन ईमासका विशेषताहरू, उपलब्ध सेवा सुविधा, तथा अफरका फाइदाबारे विस्तृत जानकारी प्रदान गरिने कम्पनीले जनाएको छ। एक्सचेन्ज अफर रु. ४६.९९ लाखदेखि सुरु हुनेछ।
कम्पनीका अनुसार प्रोटोन ईमास ७ मा शक्तिशाली १६० किलोवाट मोटर पावर, १८० मिमी ग्राउण्ड क्लिरेन्स, तथा एनइडिसी रेन्ज ४९२ र ५८५ किलोमिटर उपलब्ध छ। उन्नत सुरक्षात्मक विशेषता र प्रिमियम डिजाइनले सुसज्जित यस EV को लम्बाइ ४६१० मिमी रहेको छ।
यस विशेष अफरमार्फत ग्राहकहरूले अत्याधुनिक इलेक्ट्रिक सवारीमा अपग्रेड गर्ने उत्कृष्ट अवसर पाउने कम्पनीले जनाएको छ।
