काठमाडौँ । कामना सेवा विकास बैंकले काठमाडौँ–बुढानिलकण्ठस्थित होटल सब्रिनासँग सेवा–शुल्क छुट सम्बन्धी सम्झौता सम्पन्न गरेको छ। उक्त सम्झौता अनुसार बैंकका कर्मचारी तथा ग्राहकहरूले होटलमा उपलब्ध अकोमोडेसन, फुड तथा बेभरेज सेवामा १० प्रतिशत छुट प्राप्त गर्न सक्नेछन्।

बैंकसँगको आवद्धता प्रमाणित गर्ने कागजात—जस्तै बैंकको ID वा अन्य मान्य प्रमाण—पेश गरेपछि यो सुविधा सहज रूपमा प्राप्त गर्न सकिने बैंकले जनाएको छ। यस सहकार्यले बैंकसँग आवद्ध सेवाग्राही तथा कर्मचारीहरूलाई उच्चस्तरीय आतिथ्य सेवामा विशेष लाभ दिलाउने अपेक्षा बैंकले गरेको छ।

सम्झौतामा बैंकतर्फबाट मार्केटिङ प्रमुख पर्मा ढुङ्गेल र होटल सब्रिनातर्फबाट सञ्चालन प्रबन्धक समिर थापाले हस्ताक्षर गरेका छन्।