काठमाडौँ । नेपाली राष्ट्रिय क्रिकेट टोलीका कप्तान रोहित कुमार पौडेलले क्रिकेट खेलसँगै आफ्नो शैक्षिक यात्रा पनि सँगै अघि बढाउने भएका छन्। क्रिकेटमा निरन्तर उत्कृष्ट प्रदर्शन गर्दै शिखर चुमिरहेका पौडेलले अब व्यवस्थापन अध्ययनमार्फत आफ्नो करियरका नयाँ आयाम विस्तार गर्न लागेका छन् भन्ने फिनिक्स कलेजले जनाएको छ।

क्रिकेटको स्टारडमबीच पनि शैक्षिक यात्रालाई प्राथमिकता दिएका पौडेललाई स्वागत गर्दै फिनिक्स कलेजले १०० प्रतिशत छात्रवृत्ति प्रदान गरेको छ। पौडेलजस्तो अनुशासित, सफल र प्रेरणादायी व्यक्तित्व कलेज परिवारमा जोडिनुले विद्यार्थीहरूलाई नेतृत्व, अनुशासन र मेहनतबारे थप ऊर्जा मिल्ने कलेजले विश्वास व्यक्त गरेको छ।