काठमाडौं, मंसिर १९, २०८२। एन आई सी एशिया बैंकले आफ्ना ग्राहकका बहुमूल्य सामान तथा महत्वपूर्ण कागजात सुरक्षित रूपमा भण्डारण गर्न सहयोग पुर्‍याउने उद्देश्यले लकर सेवामा विशेष छुट योजना सार्वजनिक गरेको छ। बैंकले सार्वजनिक गरेको यो सामयिक योजनाअनुसार ग्राहकहरूले पहिलो वर्षको वार्षिक शुल्कमा १५ प्रतिशत छुट प्राप्त गर्न सक्नेछन्।

ग्राहकहरूको सुरक्षा र सुविधा प्राथमिकता राख्दै बैंकले मुलुकभर १५० वटा शाखाहरूमा विभिन्न आकारका लकरहरू उपलब्ध गराइरहेको छ। जसका माध्यमबाट ग्राहकहरूले आफ्ना मूल्यवान सामग्री ढुक्कका साथ सुरक्षित राख्न सक्ने बैंकले जनाएको छ।

बैंकले ल्याएको यो छुट योजनाले ग्राहकलाई लकर सेवा प्रयोग गर्न थप सहज, सरल र किफायती बनाउने विश्वास लिएको जनाएको छ।
लकर सेवाबारे थप जानकारीका लागि ग्राहकहरूले नजिकको शाखा कार्यालय वा बैंकको ग्राहक सम्पर्क केन्द्रका फोन नम्बरहरू १६६०–०१–७७७७१, १८१०–२१–७७७७१ वा ०१–५९७०१०१ मा सम्पर्क गर्न सक्नेछन्।

उक्त जानकारी एन आई सी एशिया बैंकका सहायक प्रमुख कार्यकारी अधिकृत तथा प्रमुख सूचना अधिकारी जयन्द्र रावलले सार्वजनिक गरेका हुन्।