काठमाडौँ । एनएमबि क्यापिटल लिमिटेडले विश्व लगानीकर्ता सप्ताह २०२५ को अवसरमा संस्थागत सामाजिक उत्तरदायित्वअन्तर्गत वित्तीय साक्षरता पहल स्वरूप लगानीकर्ता चेतना तथा अन्तरक्रिया कार्यक्रम सम्पन्न गरेको छ।

मिति २०८२÷०८÷२९ गते एनएमबि बैंक लिमिटेड, बट्टार शाखाको सहकार्यमा नुवाकोटको विदुरस्थित पोष्ट बहादुर बोगटी पोलिटेक्निक इन्स्टिच्यूटका विद्यार्थीहरूका लागि लगानीसम्बन्धी जनचेतनामूलक कार्यक्रम आयोजना गरिएको थियो। सोही दिन काठमाडौँको टङ्गालस्थित श्री टङ्गाल उच्च माध्यमिक विद्यालयका विद्यार्थीहरूलाई लक्षित गरी पनि यस्तै कार्यक्रम सञ्चालन गरिएको थियो।

कार्यक्रममा सहभागी विद्यार्थीहरूलाई पूँजी बजारका आधारभूत अवधारणा, लगानीका अवसर, जोखिम तथा लगानीकर्ताका अधिकार र दायित्वबारे जानकारी गराइएको थियो। साथै, अन्तरक्रिया सत्रमार्फत सहभागीहरूबाट उठाइएका जिज्ञासाहरूको सम्बोधन गरिएको थियो।

नुवाकोटमा आयोजित कार्यक्रम कस्टुमर रिलेशनशिप, कस्टोडियन तथा डीपी प्रमुख मणिप अधिकारी, पोर्टफोलियो अफिसर राहुल खड्का र पोर्टफोलियो सहायक बिकेश बाडेले सञ्चालन गरेका थिए भने काठमाडौँमा आयोजित कार्यक्रम स्किम सहायकहरू लचना शाक्य, निवेश गिरी र प्रज्वल विक्रम खड्काले सञ्चालन गरेका थिए।