काठमाडौँ, नेपाल – २०८२ पुस ५ गते शनिबार सांग्रिला मोटर्स प्रा. लि.ले आफ्नो बहुप्रतिक्षित “लिपमोटर कस्टमर रैली “ भव्य रूपमा सम्पन्न गरेको छ। “लेट्स लिप इन्टु एन अनफर्गेटेबल एक्सपेरियन्स“ भन्ने नाराका साथ आयोजित यस रैलीले लिपमोटर परिवारका ग्राहकहरूलाई मनोरम ड्राइभ, सामुदायिक भाइचारा र उत्सवको अनुभव दिलाएको छ।

रैलीको सुरुवात सानेपास्थित हेरिटेज गार्डेनबाट बिहान ८ः०० बजे भएको थियो। कार्यक्रमको औपचारिक फ्ल्याग–अफ लिपमोटर ब्रान्ड एम्बेसडर रोहित पौडेल र सांग्रिला मोटर्सका निर्देशक जय गोल्छाले संयुक्त रूपमा गरेका थिए।

फ्ल्याग–अफपछि विद्युतीय सवारी साधनहरूले राजधानी काठमाडौँबाट नगरकोटस्थित क्लब हिमालयसम्मको यात्रा तय गरे। यस ड्राइभले सहभागीहरूलाई लिपमोटर ईभीको उत्कृष्ट कार्यक्षमता र ह्यान्डलिङको अनुभव लिन र अन्य ईभी प्रेमीसँग साटासाट गर्न अवसर प्रदान गरेको थियो।

क्लब हिमालयमा क्विज, खेलकुद, बफे लन्च, नेटवर्किङ सेसन र गाडीको चेकजाँच जस्ता विविध गतिविधिहरू आयोजना गरियो, जसले ग्राहक र कम्पनीबीचको सम्बन्ध अझ मजबुत बनाएको छ।

सांग्रिला मोटर्स प्रा. लि.को बारेमा:
सांग्रिला मोटर्स प्रा. लि. नेपालमा लिपमोटर गाडीहरूको आधिकारिक वितरक हो। कम्पनी उत्कृष्ट ग्राहक सेवा र दिगो विद्युतीय मोबिलिटी सोलुसन्स प्रदान गर्न समर्पित छ।