काठमाडौं । डेल्टा अटोकर्प प्रा. लि. अन्तर्गतका प्रिमियम इटालियन स्कूटर ब्राण्ड भेस्पा र एप्रिलियाले जाडो मौसममा लक्षित गर्दै “चिसो विन्टर, तातो अफर” नामक विशेष योजना सार्वजनिक गरेका छन्।

यस अफर अन्तर्गत, भेस्पा वा एप्रिलिया स्कूटरको खरिदमा ग्राहकले ७,५०० रुपैयाँ नगद छुट वा २ वर्षको निःशुल्क मेन्टेनेन्स प्याकेज रोज्न सक्नेछन्। मेन्टेनेन्स प्याकेजमा इन्जिन आयल, एयर फिल्टर, आयल फिल्टर, निःशुल्क सर्भिस र लेभर चार्ज समावेश गरिएको छ।

योजना अन्तर्गत एक्सचेन्ज लाभ पनि उपलब्ध छ, जसमा कुनै पनि दुई–पाङ्ग्रे ब्राण्डको स्कूटरमा १०,००० रुपैयाँसम्म थप मूल्यांकन र न्यूनतम ४०,००० रुपैयाँको ग्यारेन्टी दिइनेछ।

स्कूटर खरिद अझ सहज बनाउन, डेल्टा अटोकर्पले ४.९९% ब्याजदरमा फाइनान्स सुविधा र ०% सर्भिस चार्ज प्रदान गरेको छ। साथै, अफर अवधिभर हरेक स्कूटर खरिदमा निःशुल्क ब्रान्डेड हेलमेट र स्कूटर कभर पनि दिइनेछ।

डेल्टा अटोकर्पका प्रमुख कार्यकारी अधिकृत विजय महतोले भने, “जाडोको मौसममा न्यानो खुसी बाँड्दै हामीले ‘चिसो विन्टर, तातो अफर’ सार्वजनिक गरेका छौँ। गुणस्तरीय सवारी साधनलाई सहज र किफायती मूल्यमा उपलब्ध गराउने हाम्रो प्रतिबद्धतालाई यस अभियानले नयाँ उचाइ दिनेछ।”

‘चिसो विन्टर, तातो अफर’ योजना २०८२ पौष ९ गतेदेखि २०८२ फागुन ८ गतेसम्म सम्पूर्ण भेस्पा र एप्रिलिया शोरूमहरूमा लागू हुनेछ।