काठमाडौं । नेपालका लागि नं १ लक्जरी इलेक्ट्रिक भी (इभी) ब्रान्ड दिपलको आधिकारिक वितरक एमएडब्लु वृद्धिले क्रिसमस र नयाँ वर्ष २०२६ का अवसरमा विशेष टेस्ट ड्राइभ तथा एक्सचेन्ज कार्यक्रम “दिपल फेस्टिभ ड्राइभ” सुरु गरेको छ।

यस अभियानमार्फत ग्राहकहरूले अत्याधुनिक इभी प्रविधिको अनुभव गर्नुका साथै चाडपर्वको अवसरमा आकर्षक फेस्टिभ बेनेफिटहरू पाउनेछन्। कार्यक्रम पुस १० देखि १७ सम्म सञ्चालन हुनेछ।

ग्राहकहरूले नक्सालस्थित चांगान सोरुममा दिपलका प्रिमियम इभी मोडेलको टेस्ट ड्राइभ लिन सक्नेछन्। साथै आफ्ना पुराना सवारीसाधन साटेर नयाँ दिपल इभी एक्सचेन्ज गर्ने सुविधा पनि उपलब्ध हुनेछ। यो अभियानको मुख्य उद्देश्य नेपाली उपभोक्तालाई स्मार्ट, स्वच्छ र अत्याधुनिक इलेक्ट्रिक मोबिलिटीतर्फ प्रोत्साहन गर्नु रहेको आयोजकले जनाएको छ।

कार्यक्रममा फेस्टिभ डेकोरेसन, सान्टा रोबोट अनुभव र सहभागी ग्राहकहरूले आकर्षक गिफ्ट ह्याम्पर पाउने व्यवस्था गरिएको छ। दिपलले नविनता, जीवनशैली र उत्सवलाई एउटै प्लेटफर्ममा समेट्ने उद्देश्यले यो अभियान सुरु गरेको हो।

साथै, आयोजकले यस अभियानमार्फत ग्राहकसँग केवल अफर मात्र होइन, भावनात्मक सम्बन्ध निर्माण गर्ने लक्ष्य राखेको बताएका छन्।