काठमाडौँ। नेपाल प्रहरी कार्यालयको पुनःसंभार तथा पुनःस्थापनामा सहयोग पुर्‍याएको भन्दै नेपाल लाइफ इन्स्योरेन्स कम्पनी लिमिटेडलाई नेपाल प्रहरीद्वारा सम्मान गरिएको छ।

नेपाल प्रहरी संगठनका प्रमुख प्रहरी महानिरीक्षक दानबहादुर कार्कीले कम्पनीका प्रमुख कार्यकारी अधिकृत प्रवीण रमण पराजुली तथा नायब प्रमुख कार्यकारी अधिकृत अमित कुमार कयाललाई संयुक्त रूपमा कदरपत्र प्रदान गर्नुभएको हो।

सामाजिक उत्तरदायित्वअन्तर्गत नेपाल लाइफ इन्स्योरेन्सले प्रदान गरेको सहयोगले प्रहरी कार्यालयको पुनःसंभार तथा सेवा प्रवाहमा महत्वपूर्ण योगदान पुगेको भन्दै नेपाल प्रहरीले कम्पनीप्रति आभार व्यक्त गरेको छ।