काठमाडौं । नेपाल निजामती कर्मचारी संगठनले आफ्नो तेस्रो केन्द्रीय कार्य समितिको बैठक २०८२ पौष १९–२० मा बबरमहल, काठमाडौंमा सम्पन्न गरेको छ। बैठकमा संगठनका १६ केन्द्रीय विभाग, ८ प्रदेश समिति र ११७ जिल्ला समितिको प्रतिनिधिहरूले गतिविधि, सदस्यता विस्तार, सेवा प्रवाहमा समस्या लगायतका विषयमा प्रतिवेदन प्रस्तुत गर्दै बैठक सम्पन्न गरेको हो , बैठकले कर्मचारी हकहित, सेवा प्रवाह, पारदर्शिता र जवाफदेहिता सुनिश्चित गर्ने प्रमुख निर्णयहरू पारित गरेको छ।

मुख्य मागहरू यस प्रकार छन्:

निजामती सेवा सुधार: संघीय, प्रदेश र स्थानीय तहमा कार्यरत कर्मचारीलाई एकरूपता प्रदान गरी संघीय निजामती सेवा ऐन जारी गर्न।

बढुवा र सरुवा: पदमा ५–१० वर्ष सेवा गरेका कर्मचारीलाई तह र श्रेणी अनुसार बढुवा, अन्तरतह र पूर्वानुमान योग्य सरुवा व्यवस्था।

ट्रेड युनियन अधिकार: संघ, प्रदेश र स्थानीय तहका कर्मचारीलाई ट्रेड युनियनमा सहभागिता र प्रतिनिधित्व सुनिश्चित।

सेवा सुविधा: कर्मचारी अस्पताल, सञ्चय कोष, सामाजिक सुरक्षा, घरसापटी, विदा सुविधा र अशक्त कर्मचारीको हेरचाह।

सुरक्षा र कार्यस्थल: जेन्जी विद्रोहजस्ता घटनापछि कर्मचारीको कार्यस्थलको सुरक्षा सुनिश्चित गर्न।

समसामयिक मुद्दा: भ्रष्टाचार, प्राकृतिक स्रोतको दुरुपयोग, सामाजिक सुरक्षा, रोजगारी सिर्जना र सामाजिक सञ्जाल दुरुपयोग नियन्त्रण।

बैठकमा नेपाल निजामती कर्मचारी संगठनले विगतदेखि उठाउँदै आएको माग र सवाललाई उच्च प्राथमिकतामा सरकार र सरोकारवालासँग अघि बढाउन जोड दिएको छ।