काठमाडौं, पुस ३० । एन आई सी एशिया बैंक लिमिटेडको सर्वसाधारण शेयरधनी समूहबाट सञ्चालक पदमा अनुपा प्रधान राजभण्डारी नियुक्त हुनुभएको छ ।

बैंकिङ क्षेत्रमा करिब तीन दशकको अनुभव हासिल गर्नुभएकी राजभण्डारीले बैंकको सञ्चालक समितिका अध्यक्ष अशोककुमार अग्रवालबाट पद तथा गोपनीयताको सपथ ग्रहण गर्नुभएको बैंकले जनाएको छ ।

बिजनेस एड्मिनिस्ट्रेसनमा स्नातकोत्तर गर्नुभएकी राजभण्डारीले तत्कालीन बैंक अफ काठमाडौंमा विभिन्न विभागको नेतृत्व सम्हाल्दै काम गर्नुभएको अनुभव रहेको छ ।

बैंकले नवनियुक्त सञ्चालक राजभण्डारीलाई सफल कार्यकालको शुभकामना दिँदै सम्पूर्ण बैंक परिवारको तर्फबाट हार्दिक स्वागत तथा बधाई व्यक्त गरेको छ ।