सिराहा । शौर्य सिमेन्ट इण्डष्ट्रिज लिमिटेडले आफ्ना कर्मचारी तथा श्रमिकहरूको स्वास्थ्य र कल्याणलाई उच्च प्राथमिकतामा राख्दै सिराहा जिल्लाको मिर्चैयास्थित कारखानामा वार्षिक स्वास्थ्य परीक्षण शिविर सफलतापूर्वक सम्पन्न गरेको छ। शिविर फूलकुमारी महतो मेमोरियल अस्पतालको सहकार्यमा सञ्चालन गरिएको थियो।

शिविरमार्फत करिब २५० जना कर्मचारी तथा श्रमिक लाभान्वित भएका थिए। सहभागीहरूको सामान्य स्वास्थ्य परीक्षण, आवश्यक चिकित्सकीय परामर्श र स्वास्थ्यसम्बन्धी सचेतना प्रदान गरिएको थियो। कम्पनीका अनुसार यस कार्यक्रमको मुख्य उद्देश्य सुरक्षित, स्वस्थ र उत्पादनशील कार्य वातावरण सिर्जना गर्नु रहेको थियो।

शौर्य सिमेन्ट इण्डष्ट्रिजले सामाजिक उत्तरदायित्व तथा कर्मचारी कल्याणलाई प्राथमिकतामा राख्दै यस्ता स्वास्थ्य तथा सामाजिक कार्यक्रमहरू आगामी दिनहरूमा पनि निरन्तरता दिने प्रतिबद्धता व्यक्त गरेको छ।