काठमाडौं । सिजी इलेक्ट्रोनिक्स अन्तर्गत विश्वकै अग्रणी पानी शुद्धीकरण ब्रान्ड केन्ट मिनरल आरओले ICC T20 World Cup 2026 लाई लक्षित गर्दै विशेष योजना सार्वजनिक गरेको छ। कम्पनीले योजनाअन्तर्गत छनोट गरिएका ग्राहकहरूलाई मुम्बईस्थित Wankhede Stadium मा हुने टी–२० विश्वकपका खेल प्रत्यक्ष अवलोकन गर्ने अवसर प्रदान गर्ने जनाएको छ।

कम्पनीका अनुसार विजेताहरूलाई ३ रात ४ दिनको मुम्बई भ्रमण प्याकेज उपलब्ध गराइनेछ। उक्त प्याकेजमा काठमाडौं–मुम्बई–काठमाडौं दुईतर्फी हवाई टिकट, मुम्बईका तारे होटलमा बसोबास तथा भोजनको व्यवस्था समावेश गरिएको छ। साथै, मुम्बईका प्रमुख पर्यटकीय स्थलहरूको सिटी टुर र वानखेडे स्टेडियममा हुने खेलका विशिष्ट (VIP) टिकटसमेत प्रदान गरिने बताइएको छ।

केन्ट मिनरल आरओ शुद्ध पानीका लागि विश्वसनीय ब्रान्डका रूपमा अन्तर्राष्ट्रिय बजारमा परिचित रहँदै आएको छ। नेपालमा पनि यसले “Most Trusted Brand in Nepal” को पहिचान बनाएको कम्पनीको दाबी छ। अत्याधुनिक प्रविधिमा आधारित केन्ट वाटर प्युरिफायरहरूले परिवारको स्वास्थ्य सुरक्षालाई प्राथमिकतामा राख्दै शुद्ध र सुरक्षित पिउने पानी उपलब्ध गराउँदै आएका छन्।

कम्पनीले यस योजनामार्फत ग्राहकहरूसँगको सम्बन्धलाई थप सुदृढ बनाउने विश्वास व्यक्त गरेको छ।