काठमाडौं। नेपाल बैंक लिमिटेड र एभरेष्ट हस्पिटल प्रा.लि. बीच उपचार सेवामा विशेष छुट प्रदान गर्ने सम्बन्धी सम्झौता भएको छ। अस्पताल काठमाडौंको नयाँ बानेश्वरमा अवस्थित छ।

सम्झौताअनुसार नेपाल बैंकमा खाता रहेका ग्राहक, बैंकमा कार्यरत कर्मचारी तथा उनीहरूका परिवारलाई अस्पतालका विभिन्न उपचार सेवामा लाग्ने बिल रकममा ५ देखि २० प्रतिशतसम्म छुट प्रदान गरिने व्यवस्था गरिएको छ।

सम्झौतापत्रमा बैंकका तर्फबाट प्रमुख वित्त अधिकृत दीपेन्द्र राज काफ्ले र अस्पतालका तर्फबाट सञ्चालक समितिका सदस्य सैलेन्द्र महासेठले हस्ताक्षर गरेका छन्।

यस सहकार्यबाट बैंकका ग्राहक तथा कर्मचारी परिवारले सहुलियतपूर्ण स्वास्थ्य सेवा प्राप्त गर्ने विश्वास व्यक्त गरिएको छ।