ललितपुर । प्रबज्या सामाजिक नेपाल ले आठौँ ‘कुलपुत्र प्रबज्या’ कार्यक्रम फागुन २६ गतेदेखि सञ्चालन गर्ने भएको छ।

अखिल नेपाल भिक्षु महासंघ तथा थाई–इन्डिया–नेपाल धर्मदूतसँगको सहकार्यमा आयोजना हुने उक्त कार्यक्रम चैत्र १७ गतेसम्म (March 10–31, 2026) सञ्चालन हुनेछ। कार्यक्रममा देशभरका विभिन्न स्थानबाट ५०० जनालाई प्रब्रजित गरी श्रामणेर भिक्षु बनाइने योजना रहेको जनाइएको छ।

संस्थाका अनुसार बुद्ध शिक्षा जनमानसमा विस्तार गर्दै सभ्य समाज निर्माण गर्ने उद्देश्यले सन् २०११ देखि यो कार्यक्रम सञ्चालन हुँदै आएको छ। हालसम्म सात चरणमा १११, १,११२, १५०, १,११९, ५००, १,२५० र ५०० जना गरी हजारौँ युवालाई प्रबज्या दिइसकिएको छ।

कार्यक्रमसम्बन्धी जानकारी दिन फागुन ६ गते दिउँसो २:३० बजे ललितपुर महानगरपालिका–३, पुल्चोकस्थित अक्षेश्वर महाविहारमा पत्रकार सम्मेलन आयोजना गरिने कार्यक्रम निर्देशक राजेश शाक्यले जानकारी दिएका छन्।