काठमाडौं । निर्वाचन आयोग नेपाल ले आज सम्पन्न भएको प्रतिनिधिसभा निर्वाचनमा देशभर करिब ६० प्रतिशत मतदान भएको जनाएको छ। आयोगले पत्रकार सम्मेलन गर्दै हालसम्म प्राप्त प्रारम्भिक विवरणअनुसार करिब एक करोड १० लाख मत खसेको जानकारी दिएको हो।

आयोगका कार्यवाहक प्रमुख निर्वाचन आयुक्त रामप्रसाद भण्डारी ले देशभर शान्तिपूर्ण वातावरणमा मतदान सम्पन्न भएको बताए। उनका अनुसार बिहान ७ बजेदेखि सुरु भएको मतदान निर्धारित समयसम्म कुनै उल्लेखनीय अवरोधबिना सम्पन्न भएको हो।

भण्डारीले प्राप्त तथ्याङ्क प्रारम्भिक भएकाले अन्तिम विवरण अद्यावधिक हुँदा केही तलमाथि हुन सक्ने बताए। साथै उनले आज रातिदेखि नै देशभर मतगणना सुरु हुने जानकारी दिए।

देशभरका मतदान केन्द्रहरूमा सुरक्षाको पर्याप्त व्यवस्था गरिएको थियो भने मतदाताहरूले शान्तिपूर्ण रूपमा आफ्नो मताधिकार प्रयोग गरेको आयोगले जनाएको छ।