काठमाडौं । भ्रष्टाचारको अन्त्य, आर्थिक समृद्धि र सुशासनको नारा लिएर निर्वाचनमा होमिएको राष्ट्रिय स्वतन्त्र पार्टी प्रतिनिधि सभामा दुई तिहाई नजिक पुगेको छ । समानुपातिकमा समेत अत्याधिक मत खसेका कारण
हालसम्मको मतगणनाको नतिजा अनुसार घण्टी चुनाव चिन्ह लिएर निर्वाचनमा सहभागी राष्ट्रिय स्वतन्त्र पार्टी ३६ निर्वाचन क्षेत्रमा बिजयी भइसकेको छ भने ८३ स्थानमा अग्रता लिइरहेको छ ।

हालको तथ्याङ्क हेर्दा रास्वपाले प्रत्यक्षमा ११९ सिट जित्ने देखिन आएको छ । उता, समानुपातिकमा ५० देखि ६० सिट जित्ने सम्भावना देखिएको छ । सो आधारमा रास्वपाले कूल २७५ सिट मध्ये १८० हाराहारी सिट पुग्ने देखिन आएको छ । दुई तिहाईको लागि १८४ सिट आवश्यक पर्दछ ।

त्यस्तै, नेपाली कांग्रेस जम्मा ६ स्थानमा बिजयी भएको छ भने एमाले जम्मा दुई स्थानमा बिजयी भएको छ । त्यस्तै, नेपाली कम्युनिष्ट पार्टी दुई स्थानमा बिजयी हुँदा स्वतन्त्र उम्मेदवार महाविर पुन पनि बिजयी भएका छन् । हालसम्मको विवरण अनुसार नेपाली कांग्रेस ९ स्थानमा र एमालेले ९ स्थानमा अग्रता लिइरहेको ेछ । त्यस्तै नेपाली कम्युनिष्ट पार्टीले ८ स्थानमा अग्रता लिइरहेको छ ।

घण्टीले अग्रता लिएका स्थानहरुमा अधिकांश फराकिलो मतान्तर रहेकोले केही अपवाद बाहेक शतप्रतिशत जीत निश्चित देखिइसकेका छन् । झापा ५ मा बालेन शाहको जीत पक्का भइसकेको छ भने झापा २ मा इन्दिरा रानाको जीत निश्चित भइसकेकोछ । त्यस्तै, मकवानपुरकै दई वटै क्षेत्रमा घण्टीले जित्ने निश्चित भइसकेको छ । काठमाडौं उपत्यकामा क्लीन स्पी गरेको रास्वपाले सिंगो तराईमा पनि क्लीन स्वीप जस्तै बनाएको छ ।

मधेशवादी दलहरुलाई शून्यमा झारेर
प्रारम्भिक रुझान नै घण्टीमा देखिएको थियो । निर्वाचन अघि सामाजिक सञ्जालहरु सबै घण्टीमय भइसकका थिए । सिंगो देश घण्टीमय हुन थालेपछि निर्वाचन नहुने भन्दै व्यापाक हल्लाहरु चलिरहेको थिए । अन्ततः प्रधानमन्त्री सुशिला कार्की र गृहमन्त्री ओम प्रकाश अर्यालको निर्धारित फागुन २१ को निर्वाचनमाथि कुनै सम्झौता गरेनन् र, निर्धारित मितिमै निर्वाचन सम्पन्न भएको थियो ।

सिंगो देश घण्टीमय भएपछि यतिबेला कांग्रेस एमालेमाथि खच्चिङ मार्नेक्रम व्यापक बढिरहेको छ । सामाजिक सञ्जालमा केपी ओली, गगन थापा, शेर बहादुर देउवा र आरजु राणाहरुको चर्को गाली सुनिएको छ ।