काठमाडौँ । मंगलबार शेयर बजार दोहोरो अंकले घट्दा अधिकांश कम्पनीका लगानीकर्तामा घाटा देखिएको छ। बजारमा भारी गिरावट आए पनि कारोबार रकम भने उल्लेख्य बढेको छ।

नेपाल स्टक एक्सचेञ्ज (नेप्से) ३२.०८ अंकले घटेर २८४३.३५ बिन्दुमा पुगेको छ। आज ३२९ कम्पनीको ५ करोड २७ लाख ११ हजार कित्ता शेयर किनबेच हुँदा २१ अर्ब ५० करोड २० लाख रुपैयाँको कारोबार भएको छ।

बजार घटेपनि यसदिन दुई कम्पनीको शेयर मूल्यमा सकारात्मक सर्किट लागेको छ। रिलायन्स मिल्स र सालपा विकास बैंकको शेयर मूल्यमा सर्किट लागेको हो।

त्यसैगरी थ्रि स्टार हाइड्रोपावरको शेयर मूल्य ९.०८ प्रतिशत, कालिका पावरको ८.८७ प्रतिशत र एलआईसी नेपालको ५.४२ प्रतिशतले बढेको छ। यसले देखाउँछ कि बजार राताम्य भए पनि केही कम्पनीका लगानीकर्ताले लाभ कमाउने अवसर पाएका छन्।