काठमाडौं । सानिमा रिलायन्स लाईफ इन्स्योरेन्स लिमिटेड नवौं वर्षमा प्रवेश गरेको अवसरमा कम्पनीले विविध सामाजिक तथा संस्थागत कार्यक्रमहरू आयोजना गरी उत्सव मनाएको छ।

कम्पनीका अध्यक्ष, सञ्चालक समिति सदस्य, प्रमुख कार्यकारी अधिकृत तथा उच्च पदाधिकारीहरूको सहभागितामा प्रधान कार्यालयसहित देशभरका क्षेत्रीय तथा प्रादेशिक कार्यालयहरूमा कार्यक्रम गरिएको थियो। मानव जीवनको संरक्षणमा योगदान पुर्‍याउने उद्देश्यले नेपाल रेड क्रस सोसाइटी सँगको सहकार्यमा रक्तदान कार्यक्रम आयोजना गरिएको थियो।

त्यसैगरी, नि:सहाय सेवा सदन मा आश्रित असहाय वृद्धवृद्धाहरूका लागि आहार–विहार कार्यक्रममार्फत सामाजिक उत्तरदायित्वका गतिविधिहरू सञ्चालन गरिएको कम्पनीले जनाएको छ।

कम्पनीले डिजिटल सेवा विस्तार, दाबी प्रक्रिया सहज बनाउने, ग्राहक सम्पर्क प्रणाली सुदृढ गर्ने तथा दीर्घकालीन विश्वास निर्माणमार्फत आफूलाई अग्रणी जीवन बीमा कम्पनीको रूपमा स्थापित गर्दै आएको जनाएको छ।

हाल कम्पनीले देशभर १६८ शाखामार्फत सेवा दिइरहेको छ। ५ अर्ब रुपैयाँभन्दा बढी पूँजी र २४ अर्ब रुपैयाँभन्दा बढी लगानी रहेको कम्पनीमा २२ हजारभन्दा बढी अभिकर्ता कार्यरत रहेका छन्।